ХАЛЫҚҚА ҚАРСЫ НАУҚАНДАР ЖӘНЕ ҚАЗАҚ АУЫЛДАРЫНЫҢ КҮЙРЕУІ

Аңдатпа

: Мақалада автор Ф. Голощекин және оның командасымен халыққа қарсы жасалған, авантюристік «Қазақстандағы Кіші Октябрь» бағдарламасының іске асыру жолдары мен актілерін зерделеген. Осы бағдарлама барысында адамдарды ұлттық, таптық, әлеуметтік және басқа нышандар бойынша кемсітушілікке ұшыратуы туралы жазған. Орталықтың мал, ет және астық жинау науқандарының тапсырмасын орындау мақсатында, адамдардың соңғы малын тартып алу салдарынынан, халықты ашаршылыққа ұшыратқаны зерделенген. Бай-кулак қожалықтарының ма лдары келісім -шартпен алуға жатпайтыны көрсетіліп, ауылдық кеңестер берген тапсырма бойынша тегін, яғни тартып алу туралы арнайы Қаулы бекітілген. Бұл бұл құжаттың кейбір тармақтарындағы көзделген шаралар, малды олардың иесінен тегін алу - құғын-сүргінге ұ шырату арқылы, мал өндірушілердің адал еңбегін жоққа шығарып, олардың табиғи құқықтарын өрескел бұзған. Поселкалар мен ауылдардан қосымша мал жинау жоспары бөлек РИКпен (Рабочий исполнительный комитет бұдан әрі - РИК) жасалған, оған совхоздардан жиналға н мал жоспары есепке алынбаған. Бұндай жалпы жоспарға кірмейтін, қосымша жоспарлар Орталықтың мүдесі үшін малды көбірек және жоспарды асыра орындау мақсатында жасалып, халыққа қосымша ауыртпалық болып жүктелгені анықталған.