РАЙМЕ МУЛЛИНАНЫҢ ӨМІРІ МЕН ҚЫЗМЕТІ: ДЕРЕКТАНУ ТАЛДАУЫ

Аңдатпа

Мақалада ашық архивтік деректерге, бұқа ралық ақпарат құралдарының материалдарына, тарихи дереккөздер мен энциклопедиялық еңбектерге сүйене отырып, Райме Муллинаның Қырым мен Қазақ КСР -індегі еңбек және шығармашылық қызметі сипатталады. Белгілі болғандай, Ұлы Отан соғысы және оның салдары адамдар мен тұтас халықтардың тағдырына әсер етті – олардың кейбірі эвакуацияланды, ал басқалары Сібірге, Оралға және Орта Азия республикаларына күштеп қоныс аударылды. Сол кезеңде қырым татарлары да қуғын-сүргінге ұшырап, арнайы қоныстарға жіберілген халықтардың қатарында болды. Олардың басым бөлігі Өзбек КСР-інде қоныстандырылса, кейбір топтары Орал мен Қазақ КСРінің әртүрлі аймақтарына орналастырылды. Қазақстан Республикасының архивтік материалдарына сүйене отырып, мәдени - ағартушылық салада із қалдырған қырымтатар интеллигенциясы өкілдері туралы бұрын беймәлім болған деректер анықталды. Мақалада әсіресе Райме Муллинаның депортация жағдайында қырым татарларының рухани мұрасын сақтаудағы және дамытудағы рөліне ерекше назар аударылады.