АҚИҚАТ АТАУЫ – АЗАТТЫҚ СОҒЫСЫ

Аңдатпа

Мақалада большевиктердің дінге, салт -дәстүрге, ұлттық құндылықтарға, тарихи-мәдени мұраға қысымы салдарынан 1929 -1931 жылдарғы халық көтерілістері ұлт - азаттық соғысы деңгейіне көтерілгендігі түйінделеді. Азамат соғысына ұрындырған әлеуметтік қайшылықтар Қазақстанда ұлт -азаттық соғысына ұласқандығы деректермен дәйектеледі. Наразылық, қақтығыс, ұлт-азаттық соғыс түсініктері зерделенеді. Большевиктік биліктің қазақ даласындағы эксперименттері қателіктер мен асыра сілтеулерге ұласқандығы, жаппай жазалау мен қуғын-сүргінге басымдық бергендігі, Алаш идеялары мен Алашорданың аз ғана уақыт іші нде тындырған істерінің өміршең болғандығы түйінделеді. Автор 1929-1931 жж. Қазақстандағы қарулы күресті азаттық соғысы, азамат соғысы деп атауды ғылыми дәйектеген.