«ҚАЗАҚ», «САРЫАРҚА» ГАЗЕТІНДЕГІ БОЛЬШЕВИКТЕР ТУРАЛЫ ДЕРЕКТЕР

Аңдатпа

Мақалада «Қазақ», «Сарыарқа» газеттері беттерінде жарияланған Алаш зиялыларының большевиктердің заңсыз іс -әрекеттерін әшкерелейтін мақалалар сарапталды. Алашорда үкіметі Қазақ газеті арқылы халықпен тікелей байланысқандығы, барлық саяси – экономикалық, әлеуметтік, мәдени мәселелерді халықпен ақылдасып шешкендігі, барлық өңірлерден саналы азаматтар, яғни көзі ашық, діни сауатты, бай -бақуатты, тіпті қарапайым азаматтар да, барлығы бір ауыздан Алашорда үкіметін қолдағандығы түйінделеді. Көзі ашық адамдардың жергілікті жерлердегі қазақ комитеттеріне, земствоға мүше болғандығы, Алаш милициясы, Алаш әскері құрамына кіріп, азаттық жолындағы күреске жұмылғандығы тұжырымдалады. «Қазақ», «Сарыарқа» газеттері беттерінде елді бүліншіліктен қорғау мақсатында большевиктердің шынайы бейнесі әшкереленіп, елді сақтандыру мақсатында көптеген мақалалар жазылды.