ҚАЗАҚСТАНДАҒЫ ЖАППАЙ САЯСИ ҚУҒЫН-СҮРГІНДІ ҒЫЛЫМИ- ҚҰҚЫҚТЫҚ ТҰРҒЫДАН ЗЕРТТЕУ, БАҒАЛАУ ЖӘНЕ ҚҰРБАНДАРДЫ ТОЛЫҚ АҚТАУ БОЙЫНША ЖАҢА ҚАЗАҚСТАНДЫҚ ӘДІСНАМАНЫ ӘЗІРЛЕУ ЖӘНЕ ІСКЕ АСЫРУДАҒЫ МЕМЛЕКЕТТІК КОМИССИЯНЫҢ ЖОБАЛЫҚ КЕҢСЕСІ МЕН ӘДІСНАМА ЖӨНІНДЕГІ КІШІ КОМИССИЯНЫҢ РӨЛІ

Аңдатпа

Мақалада Саяси қуғын -сүргін құрбандарын толық ақтау жөніндегі мемлекеттік комиссия (бұдан әрі – Мемкомиссия) мүшелерінің, зерттеу топтары заңгер-ғалымдарының, Өңірлік комиссиялардың, Жобалық кеңсенің, Әдіснамалық кіші комиссияның ауқымды, жан -жақты қызметінің кейбір негізгі қорытындылары мен басым бағыттары, сондай -ақ заң ғылымдарының кандидаты, «Қаһармандар» республикалық қоғамдық қорының президенті, Қазақстан Республикасының Еңбек сіңірген қайраткері Саб ыр Ахметжанұлы Қасымовтың әдіснамалық, ғылыми және ұйымдастырушылық қызметі баяндалған. Мемлекеттік комиссия ауқымды, жан -жақты және тарихи маңызды жұмыс атқарды. Қазіргі кезеңде (2026 жыл) бұл жұмыс ҚР БҒМ ҒК «Ш.Ш. Уәлиханов атындағы Тарих және этнология институты» ШЖҚ РМК және Жобалық кеңсе орындайтын «Қазақстандағы саяси қуғын -сүргін құрбандары мен зардап шеккендердің негізгі санаттары мен кіші санаттарын іргелі зерттеу және оларды толық ақтау процестері» бағдарламалық -нысаналы қаржыландыру аясында жалғасуда.