ҰЛЫ ОТАН СОҒЫСЫ ЖЫЛДАРЫНДАҒЫ ОҢТҮСТІК ҚАЗАҚСТАН НКВД-МВД ҚЫЗМЕТІ ТАРИХЫНАН

Аңдатпа

Ащысай және оның төңірегіндегі рудниктер мәскеулік орталықтың ерекше назарында болды. Қаратау баурайындағы орасан зор кен байлығын игеруде түрлі еңбек күші пайдаланылды: жергілікті қазақ тұрғындарымен бірге депортациялық жолмен жеткізілген шетелдік өкілдердің (поляктар, азербайжандар), эвакуацияланып келгендердің және жапон әскери тұтқындарының.. Мақалада, соғыс жылдарындағы Оңтүстік Қазақстан НКВД -МВД қызметкерлері жүргізген әділетсіз жұмыс барысы сөз етіледі. Жұмыста ҚР ІІМ ШҚД арнайы архиві, ҚРПА қорының құжаттары және Ащысай, Хантағы, Байылдыр ж.б. ауылды мекендерінде жүргізілген елішілік экспедиция (тарихи сұхбат) материалдары пайдаланылды. Мәселе методологиялық құралдардың соңғы жетістіктері (айтылған тарих, күнделіктілік ж.б.) негізінде орындалды. Ғылыми айналымға алғаш рет енгізілген бұл құжаттар өңірдің соғыс жылдарында жалғасын тапқан саяси өмірінен ақпарат береді.